Ájlátten gal duot dát dáhpáduvvá!
Sávvi buorre dálgev, dåjmajt ja 30-40 nuora guhti oassálassti. Mihttsamára galggi Ájlátten suohtastallat volleybállujn, paintbállujn, gilppusij, ståhkusij ja njálga biebmoj.
Dutkam rabdaguovlon
- Máhtudahka sjaddá ájnas faktåvrrån dán tjuohtejage hásstalusáj hárráj. Árbbedábálattjat li universitehta ja allaskåvlå åvdemussan læhkám mij guosská máhtudagá háldadibmáj, ådåstuhttemij ja åvddånbuktemij. Valla sijá dutkammonopåvllå le ådno juo gáhtum. Dieda le oassen árggabiejves sjaddam. Alep akademalasj åhpadus ij la desti elitaj ássjen, valla le ienebut ja ienebut sadjihin sjaddam ulmutjijda ietján, aj rabdaguovllo-Vuonan. Máhtudahka le mañenagi riektán sjaddam.
Miellagiddis jahke Edinburgh:an
Divtasvuonak Mikkel Eskil André Mikkelsen le 18 jage vuoras ja årru dálla Edinburgh:an, mij le Skotlánda oajvvestáda. Skotlánnda l oassen Stuorbritánnias. Edinburgh le lullemerragátten, luovtan Firth of Forth.
Sáme girkkoráde guossidij Divtasvuonav
Dijstagá 8. ja gasskaváhko 9. biejve moarsmesmánon lij Sáme girkkoráde Divtas-vuonan. Sáme girkkoráde le aktan girkkorádijn ja girkkojgasskasasj rádijn Vuona girkko guovdásj-gasskasasj ráde.
Infonuora IT-konsulenta Romsån gallidime
Infonuora Internæhttabiele li læhkám jådon 2004 jage rájes, valla dálla prosjæktajådediddje Sara Israelssona mielas Infonuorra.no le gárves ådåsmahttemij ja buoredibmáj. Dajnas de Infonuorra biele lulun ájn buorebun addnijda sjaddat ja diedon ájn dåbddusin mijá sámij gaskan. Dajnas de Sara gåhtjoj vihtta sáme nuora Vuona ja Svieriga bieles æjvvalittjat Romssåj.
Boahttsu turisttaatraksjåvnnån Hábmerin: Boatsojsalljo, hierggevuodjem, sáme árbbedábe ja duodje
Moattes sihti mannoæládusáv Hábmerin vuorodit. Dálla oajvvaduvvá ájádus boatsojsaljujn Ulvsvåg-skárddáj. Dánna álgadiddje sihti fállat turistajda lahkavuodav boahttsuj, hierggevuodjemav gierrisijn, sáme árbbedábálasj biebmov, souvernija/duodje vuobddemav ja «ruohttaáddjáaktivitehtajt» mánájda.
Allamáhtudahka Árranij
Árran le aktisattjat barggagoahtám allaskåvlåjn Bådåddjon ja Scott Polar Research Institutajn Cambridgan Englandan. Boados dássta sjaddá guoradallaminstituhtta nuorttaguovloåhpadussaj mij ásaduvvá Árranij Ájluoktaj. Navti ienep barggosaje ja duodde dåjma julevsáme guovdátjij båhti. Boahtteájggáj galggá Árran guoradallamdahkamusájt válldet almulasjvuoda åvdås ja ájnas dahkamusguoradallamijt æládusiellemij.
Dålusj kriminalsubtsas Forsanjávres
Dálla le Árran barggamin duodastimprosjevtajn mij guosská muhtem dáhpádussaj Forsanjávren Stájgo suohkanin. Sámedigge le prosjevtav álgadam ja dat le ruhtaduvvam Nuortta-Sálto fábmudakásadusás.
- Ådå mediaárggabiejvve Nuortta-Sálton
SamiskVehi journalistihkka, ållo teknihkka... Harrieth Aira ja Sander Andersen libá dájt mañemus vahkojt bæssátjij åvddåla NRK Sáme Radio oajvvekåntåvrån Kárásjjågån barggamin, gånnå libá oahppamin ja oahpásmuvvamin ådå virgijda. Dáppe ådåvirggájbiejadum journalistaguovtes galggaba gárveduvvat NRK’a doajmmalasedibmáj Divtasvuonan.
Lájttálasj urudispolitihkkaj: - Oajválattja duobbmiji årrombájkijt!
Karl Gunnar Mikkelsenan li tjielgga vuojno urudispolitihka birra. Soames váhko dás åvddåla divna sávtsajt njuovadahkaj rájaj. Dan láhkáj hiejteduváj oabme árbbedáhpe, mij soajttá 1000 jagijt la vihpam, ja ájnas æládusdoajmma Måsken.
Feil: Vennligst fyll ut alle felter markert med rødt og prøv igjen.
