Elena Paulsena niehko lij ålggorijkkaj mannat lågåtjit spánskagielav ja kultuvra birra åhpatjit. Bårggemáno 31. biejve álgij suv manno, gånnå ájgoj guossidit New Yorkav, åvddål sån manáj Cabareteaj, mij gullu Dominikána republikkaj.
Jus ilá guolli, de máddo boahtá mávsedittjat. Boatsujn la ietjajnis árvvo, ja vierttip dajna luondov vieledit. Jus galga muorav miehtses viedtjat, de galga aj tjáppagit dav tjuollat. Ja diedon dal i goassak galga gálmijt ráfeduhttet.
Dán jagásj 71° nord-prográmman TV-Norgin lij aj oasse Divtasvuonas. Dáhpádus mánnodagá lij gå oassevállde mannin váttse Vuodnabadás Tjierrekluoktaj.
Duodden Julevsáme sálmmagirjjáj, mij almoduváj jagen 2005, la vásse máno nuohttagirjje almoduvvam ja anon. Nuohttagirjen, mij Julevsáme sálmmagirjjáj gullu, li diedon sæmmi sálma gå sálmmagirjen.
Jåhkåmåhke girkkotjuojadiddje Valborg Mangs Märak la gárvedam ja gehtjadam dáv nuohttagirjev mij aj galggá oasen gávnnut Vuona bielen.
Sander Andersen
Dålusj sáme årrombájkke Suoksavuomjávren Hábmera ja Stájgo rádjáguovlon le juo guhkev ávtas sadjen årrum. Muhtem bátsidisá vil gávnnuji, muhtem vuollegis dievástagájn vuojnnuji ájn ieme goahtesaje. Jus le dajn guovlojn vádtsemin, ja jus le vájaldiddje gåvådallemielajn ja jus le dujna ájgge ja assto ájádallat, de tjåhkkidaste dievátjij hiebalgis gierge nali dan dålusj sijda badjelij. Ihkap de degu bárudisán vuojná dåbåtjav mij degu badján dajs dålusj gábmásajijs ja bátsidisájs –lavnnjedæhkkujn ja suovajn riehpenis – ja skiejátja dievástagán. Ja ihkap de degu ilmmá unna, giehppisgáma nissunasj saljov rasstimin…
Radio Nord-Salten, Nuorttasálto-Rádio ájggu liehket rádio ålles guovlluj, valla fálaldahka Julevsámijda dán guvlon ij vilá dåjma javllá dåjmadiddje Lars-Arild Johansen.
Dálven
Histåvråv divvomin
Oddmund Andersen la akta guoradallijs guhti l ållimin prosjevtajn sáme histåvrå birra Nordlándan, ja tjavtjan almoduváj girjje dán guoradallama birra. Dajna l aj Nordlánda histåvråv ietjájduhttemin, sierraláhkáj dat histåvrrå mij guosská sámij dillev. Oddmund Andersen, guhti bæjválattjat la Árrana dávvervuorká jådediddje, la dat bargos bessam dájt mañemus jagijt gå la dájna prosjevtajn barggamin ietjá guoradallij siegen. Guoradalle lij prosjevtav gåhttjum ”Etnalasj relásjåvnå Nuortta Nordlándan histåvrrålasj vuojnon”.
Vuostasj sámegielabielle Bájkálasj ávijsan lij ådåjakmáno 10. biejve 2003.
Norsk kortversjon/Oanegis dárogiellaj
SamiskDivtasvuona suohkana giellabarggo, mij guosská sámegielav, la jåhtuj boahtám. Ælla ájn giellakonsulentav virggáj oadtjum, valla suohkan la huoman plánav dahkamin gåktu galggi sámegielav tjalmostahttet. Dát giellapládna galgaj juo gárvvásin liehket javlajda, valla pládna l maññunam, ja jáhkedahtte gárves esski dálvveguovlluj.
Norsk kortversjon/Oanegis dárogiellaj
”Dålusj” pládna rahte Rijttsema ja Divtasvuona gaskan la vat skáhpas råkkådum. Divtasvuona ja Jielleváre suohkana libá rudájt aktan åhtsåm, ja åvddåprosjevtav jåhtuj oadtjum. Vuostasj oasse prosjevtas la gávnnat jus la ajtu dárbbo ráhtáj, ja de esski mierredit gåggu l buoremus rahtev biedjat.
Norsk kortversjon/Oanegis dárogiellaj
Feil: Vennligst fyll ut alle felter markert med rødt og prøv igjen.
