Jiedna "Sámásta"-girjijda
SamiskKurssagirjijda ”Sámásta” la dal ruvva máhttelis jiedna-CD’av oasstet. Girjjealmmudahka ”Báhko” la mañemus bargov dasi biedjamin, ja soames vahko duogen la aj máhttelis julevsámegielav gulldalit madi kurssagirjen lågå.
Anne Silja SNPN'an
Sámedikke nuorapolitihkalasj nammadusán li 5 ájrrasa, ja akta dajs la Divtasvuonak Anne Silja Turi. Ánne Silja galggá aktan dåj nuppij sáme nuoraj iesjmierredimev nannit, Sámedikke jáhkásasj nuorajkonferánsav dåjmadahttet, gæhttjalit nuorajt oadtjot politihkas bersutittjat, ja oadtjot ienep nuorajt sáme jienastuslåhkuj tjáledittjat.
Vuostasj virgge giellaháldadusguovlo diehti
Dajna gå Divtasvuona suohkan la sáme giellaháldadusguovlluj boahtám, la aj Nordlánda fylkkasuohkan mañen. Dajna åhtså fylkkasuohkan giellakonsulentav gut virggáj galggá biejaduvvat dán dálve. Barggosadje l fylkkahuodnahin Bådødjon, valla fylkkasuohkan árvustallá kåntåvråv Árranij biedjat. Åhtsåmájgge dán virggáj la mañemus biejve dán mánon.
Sáme árkitektuvrra ij la nav gárttje
Mij la nav sierra dáj gådij ja årromsajij, ja gåktu vuojná sámij årromsaje li? Dá li gatjálvisá majt guoradalle Sunniva Skålnes oadtju gå årromsajijt guoradallá sáme dáfojn, ja dákkár gatjálvisá aj badjánin gå Divtasvuonan dijmmá manáj.
Årromsadjeguoradalle Sunniva Skålnes
Ruhtadoarjja sáme sebrijda
Dán jage aj juohká Nordlánda fylkkasuohkan ruhtadårjav sáme siebrijda ja institusjåvnåjda. Ulmme dájna ruhtadårjajn la nannit ja åvdånahttet sáme gielav ja kultuvrav. Dåhkki doajmmarudájt ja aj sierra prosjevtajda åhtsåt. Åhtsåmájgge l guovvamáno 15. biejve.
3 jage sáme bielijn
Dáv ávijsav majt dálla la låhkåmin la 10 jage dán jage, ja 3 jage dás åvddål lij vuostasj bielle dán ávijsan julevsámegiellaj. Dát bielle l aj ájnna ávijssafálaldahka julevsábmáj.
Jahke mij la vássám
Dálven
Sámegiellaåhpadibme Divtasvuonas Jiellevárráj
Divtasvuona suohkan la varresvuodatermaj barggamin gånnå l ulmme ietjasa barggijt åhpadit, ja Jielleváre suohkan aj sihtá dát bargos oasev válldet.
-Ittjiv duosta fággáj gåhttjot
-Miella lij gal fággádit, valla ittjiv rat duosta. Balliv jiegñabiernna lij gievrap mujsta, tjajmat Tom Fredrik Eivik. Tom Fredrik la vat arktalasj suollujn mannam. Dán bále lij Hopenin badjelasj bielle jagev. Ja sæmmi biejve gå suolluj bådij, oattjoj jiegñabiernav guossáj.
Tom Fredrik la dáv gåvvim vinndegis ietjas oademlanján. -Ittjiv de duosta biernnaádjáv fággáj gåhttjot. Vuojnniv dal mån dájna ij dåhkki spievttjit, javllá sån. Gåvva: Tom Fredrik Eivik
Nievres dálkke ællobarggijt hiemssi
Nievres dálkke hiemssi ællobarggijt lulás boahttsuj jåhtet. Ællosábme Per Anders Vannar Sirges tjieldes la juo badjelasj mánov váren årrum. Sån ij jahke gærggá jåhtemijn åvddålij javlaj. Dálkke l suv hiemssim. Ieme láhkáj lidjin juo boahttsujt sirddám ja lulás jåhttåm juo vásse vahko.
Sávvap hávsskes javlajt gájka låhkkijda!
Feil: Vennligst fyll ut alle felter markert med rødt og prøv igjen.
