Ållo báktjasa ja assme la vuodon gå såbadusprosæssa jåhtuj bådij Vuona girkko baktu dijmmá. Hábmera báhppa Rolf Steffensen jådet dáv prosjevtav, ja vásse disjtagá ásaduváj seminárra Árranin gånnå 80 tjåhkanin gulldalittjat ja ájádusájt nuppij juohket. Steffensen la dájna prosjevtajn jagev barggam, ja vuojnnám la dárbov såbadibmáj ulmutjij ja institusjåvnåj gaskan ja sáme álmmugijn.
Gå illastuvvap, jali lip ietjá láhkáj ládaduvvam, dárbahip viehkev psykologajs. Gå lip nuppij ulmutjij rijddalam, da la aj dárbbo psykolåvgåjda, ja mijá psykologajda li da sæmmi ulmutjij gejna lip rijddalam.
SamiskJuska Jielleváre suohkan la ævtodam Rijttsemráhtev guhkedit Vuonabælláj ja Divtasvuodnaj, ij huoman ráhte buorep sjatta gå dalla. Länastivrra sihti klássifiserit dáv ráhtev álmmukráhten, valla Sveriga Vägverket e dasi guorrasa. Sijá mielas galgaj ráhte buorep láhkáj vieleduvvat jus galggin dav buoredit. Jus gasskarijkasasj ráhte sjaddá daggu Vuona ja Svieriga rijkaj gaskan, de la jáhkedahtte esski ráhtev buoredi.
Gålmåjhkásasj genusprosjækta la Jåhkåmåhken jåhtuj boahtám. Genusprosjækta sihtá ietjájduhttet ieme dábijt, ja sjiervve ij galga mierredit masi báhtja ja næjtso galggi sjaddat. Pedagoga Jåhkåmåhken galggi åhpaduvvat buohtaárvvásasj gatjálvisán. Báhtja ja næjtso sierraláhkáj giehtadallin skåvlån, valla dálla galggi sæmmi buohta giehtadallat. Báhtja e galga buorebut oahppat gåktu galggi bievdev láhtjet gå næjtso. Åhpadiddje li ietja vuojnnám gå næjtsojs vuorddi galggi dav máhttet, ja åvddåskåvlååhpadiddje gatjádij áhtjijs mánáj biktasij birra, ij dåssju iednijs. Åvddåla ettjin nav dagá.
Feil: Vennligst fyll ut alle felter markert med rødt og prøv igjen.
